Kurti: Nuk e kam refuzuar drafdokumentin frankogjerman, atë e bëri Beogradi

Kryeministri Albin Kurti ka thënë se ai nuk e ka kundërshtuar drafdokumentin frankogjerman për dialogun.

Ai, në një konferencë për media, ka deklaruar se në takimin e tij me këshilltarët e presidentit francez, Emmanuel Macron, dhe kancelarit gjerman, Olaf Scholz, ka treguar qëndrimet e tij për këtë nismë.

“Ata kanë sjellë përmbledhje të ideve që nuk i kam refuzuar, por kam thënë se janë bazë e mirë, unë i kam vërejtjet e mia, u kam thënë edhe atyre vërejtjet dhe kritikat e mia”.

“Mirëpo, unë nuk e kam kundërshtuar atë propozim, përfundimisht jo që u kundërshtua, por u refuzuar në Beograd, ata i thanë jo. Edhe a e dini se pas çfarë mbledhje i thanë jo, pas mbledhjes së Këshillit të Sigurisë, ky refuzim në Beograd po synon të shndërrohet në pasiguri në Kosovë”,ka thënë Kurti.

Comodita në panairin M.O.W. po shijon takimet me biznese për mundësi shkëmbimi eksperiencash, rrjetëzimi dhe bashkëpunimi

Sponsoruar