Kryeministri Albin Kurti iu është përgjigjur deputetes së AAK-së, Time Kadrijaj e cila e pyeti për shpronësimet që janë bërë në qeverisjen e ti.

Kurti tha se kanë gjetur borgje për shpronësime deri në 140 milion euro dhe me 0 buxhet të ndarë.

“Me ardhjen tonë në qeverisje borgjet për shpronësimet i kemi gjetur 140 milion euro dhe 0 euro të ndara ne kemi ndarë buxhet për këto borgje. Parcela e një personi që parcela kishte vlerë 90 mijë euro sot i merr 140 mijë euro pasi nuk u kryen obligimet”, ka thënë Kurti.

Kurti tutje i tha se nuk do të lejojnë që në emër të shpronësimeve të bëhet plaçkitje siç ka ndodhur më herët.

“E drejta e pronës është e garantuar me Kushtetutë, andaj ne nuk kemi asnjë problem me shpronësimin si koncept ne kemi problem me plaçkitjen që është bërë në emër të shpronësimeve asnjëherë nuk do të lejojmë që gjatë rrugës të na u dyfishohen vlerat sikur juve”, ka thënë ai.