Kryeministri i Kosovës, Albin Kurti sot ka publikuar listën e kandidatëve për deputetë për zgjedhjet e 9 shkurtit të vitit 2025.

Listës për deputetë i është bashkuar edhe këngëtarja Edona Llalloshi.

Kurti i ka uruar mirëseardhje Llalloshit, duke thënë se do të jenë edhe më shumë të përkushtuar ndaj artit e kulturës pas aderimit të Edonës në politik.

Tutje, Kurti ka shkruar se në karrierën e Edona Llalloshit përveç krijimeve cilësore, ajo është shquar edhe për personalitet të veçantë.

Shkrimi i plotë:

Edona Llalloshi është ndër emrat më të dashur të skenës sonë muzikore. Në karrierën e saj tre dekadëshe, veç krijimeve cilësore është shquar për personalitet të veçantë.

Ajo është pjesë e listës sonë për fitoren e madhe. Me Edonën do të jemi edhe më të përkushtuar ndaj artit e kulturës.

Mirësevjen, Edonë!