Kryeministri në detyrë, Albin Kurti, dje ka vizituar për ngushëllime familjet e dy vajzave që vdiqën në aksidentin e 14 marsit. Ai qëndroi te familja Basha në Hodonovc dhe familja Thaqi në Muqiverc.

I shoqëruar nga Kryetari i Komunës së Kamenicës, Kadri Rahimaj, kryeministri u shprehu ngushëllimet me të thella familjeve Basha dhe Thaqi për humbjen tragjike të më të dashurave të tyre, Arbnora Bashës (23) dhe Antiana Thaqit (23), njoftoi Zyra e Kryeministrit.

Ai gjithashtu i uroi familjes Basha shërim dhe rikuperim sa më të shpejtë të vajzës së tyre, Arlinda Bashës, e cila mbeti e lënduar nga aksidenti i të premtes së 14 marsit që i mori jetën Arbnorës dhe Antianës.

Arbnora Basha dhe Antiana Thaqi ishin studente në Universitetin “Kadri Zeka” në Gjilan.