Punëtorët shëndetësorë gjatë muajit tetor kanë arritur marrëveshje me kryeministrin Hoti, për të marrë shtesa prej 40 për qind mbi pagën e tyre bazë për shkak të angazhimit në punë në kohë pandemie me Covid-19.
Megjithëse është arritur kjo marrëveshje, punëtorët shëndetësorë ende nuk janë paguar.
Kryetari i Federatës së Sindikatës së Shëndetësisë, Blerim Syla, ka thënë për Front Online, se asnjë nga punëtorët shëndetësorë nuk është paguar ende.
Ai ka thënë se nëse nuk dalin shtesat brenda këtyre 10 ditëve, atëherë do të dalin në pagat e muajit të ardhshëm.
“Ky është vendim i qeverisë për muajt në vijim dhe presim që këto paga të dalin nëse jo brenda këtyre 10 ditëve, në pagat e muajit tjetër”, ka deklaruar ai.
Syla ka treguar se qeveria ka pasur tendencë që të paguaj shtesë vetëm punëtorët shëndetësorë që janë duke u ballafaqe drejtpërdrejtë me pandemisë, por që me insistimin e tyre, të gjithë punëtorët shëndetësorë kanë arritur të hyjnë në listën e shtesave.
“Tendenca e qeverisë ka qenë që të paguhen vetëm ata që janë duke u marrë direk me Covid, që i binte 2 mijë deri në 2 mijë e 500 punëtorë.
Federata e ka kundërshtuar këtë çështje sepse kjo është shtesë në pagë dhe ne kemi insistuar dhe kemi arritur që të paguhen të gjithë punëtorët shëndetësorë, që janë 14 mijë punëtorë”, ka thënë ai për Front Online.
Syla ka treguar se edhe punëtorët teknik janë futur në këtë listë dhe se ata do t’i marrin stimulimet nga 100 euro.
Përndryshe, bashkë me shtesat mjekët pritet t’i marrin rreth 900 euro, ndërsa infermierët të marrin nga 550 deri në 600 euro.
