Mjalti është konsideruar prej kohësh një nga produktet natyrore më të shëndetshme për trupin, por nuk duhet të teprohet, këshillojnë ekspertët. Angela Lemond, një nutricioniste për “Womens Health”, thotë se nuk është e nevojshme të teprohet me konsumimin e mjaltit, pasi përveç se është i shëndetshëm për trupin tonë, ai përmban edhe shumë sheqer.

“Mund ta teproni shumë lehtë duke shtuar sasinë e mjaltit drejtpërdrejt në smoothie, bollgur ose pjata të tjera, sepse atëherë nuk matni sa vendosni”, thotë ajo. Nëse hani shumë mjaltë, madje mund të shtoni në peshë, të rrisni rrezikun e diabetit dhe gjithashtu ndikon në prishjen e dhëmbëve sepse përmban shumë fruktozë. Mjalti është i shëndetshëm vetëm nëse e merrni në sasi të kufizuar. Në mënyrë që mjalti të ketë vetëm një efekt pozitiv në trupin tuaj, merrni një lugë gjelle në ditë./FrontOnline/