Për shkak të rrezikut të mundshëm për shëndetin e njerëzve, çaji i mentes, i cili përmban lëndë të parë të furnizuar nga Serbia, është tërhequr nga tregu kroat, transmeton FrontOnline.

Sistemi Evropian i Paralajmërimit të Shpejtë për Tregtinë Ushqimore ( RASFF ) njoftoi në faqen e tij të internetit se produkti i përmendur përmban pirrolizidin alkaloid (PA), i cili mund të ketë pasoja të rënda për shëndetin e njeriut.

Gjegjësisht, këto janë toksina bimore që gjenden në një numër të madh të llojeve bimore, dhe të cilat përbërësi i përmendur i prodhon për t’u “mbrojtur” nga barngrënësit dhe gjendet në të gjithë bimën, por përqendrimi më i lartë i saj është në lule dhe fara.

Kur bëhet fjalë për ushqimin, në vitin 2016, Agjencia Kroate e Ushqimit publikoi një artikull shkencor që tregon se problemi kryesor për sa i përket shëndetit të njeriut janë PA që kontaminojnë ushqimin që nuk i përmban ato në mënyrë natyrale. Gjithashtu, në studimin e sipërpërmendur, u theksua se çajrat etiketohen si një produkt ushqimor që mund të jetë burimi kryesor i ekspozimit ndaj këtyre ndotësve.

Shkencëtarët më pas treguan se në ekspozimin akut, PA në doza të larta mund të çojnë në dështim të mëlçisë, gjë që mund të rezultojë në vdekje.

Përveç kësaj, eksperimentet mbi kafshët kanë zbuluar se disa prej tyre mund të jenë kancerogjenë gjenotoksikë dhe të kenë efekte embrionotoksike, megjithëse nuk ka dëshmi konkrete për këto efekte të dëmshme për njerëzit.

Në këtë drejtim, një rrezik potencialisht i madh shtron pyetjen se kush e ka prodhuar nenexhikun e diskutueshëm në Serbi.

As Ministria e Bujqësisë, as Ministria e Tregtisë, as Inspeksioni Fitosanitar në Serbi nuk kanë reaguar në lidhje me këtë, ndërsa kompania që importon dhe paketon çajin në Kroaci ka thënë se nuk mund të zbulojnë identitetin e furnizuesit./FrontOnline/