Prishtina ashtu siç është pritur pa shumë telashe e ka mposhtur në finalen e parakualifikimeve  në Ligën e Kampionëve skuadrën nga Andorra, Inter d’Escaldes me rezultat 2:0.

Hero i bardhekaltërve ka qenë Endrit Krasniqi, që i ka shënuar të dyja golat e bardhekaltërve për t’ia siguruar raundin parë në Ligën e Kampionëve, raporton FrontOnline.

Njeriu i kësaj ndeshje, Endrit Krasnqi, për faqen zyrtare të FC Prishtinës, tha:

“Ishte një ndeshje shumë e rëndësishme për klubin. Ne gjatë gjithë vitit kemi punuar shumë për të arritur këtu dhe tani ia dolëm ta kalojmë fazën parakualifikuese. Është shumë e rëndësishme të vazhdojmë kështu, të bashkuar si grup, sepse kjo është forcë e madhe”.

Prishtina në raundin e parë kualifikues do të takohet me kampionin e Hungarisë, Ferencvaros./FrontOnline/