Komisioni Qendror i Zgjedhjeve, ka publikuar shpenzimet tremujore të subjekteve politike të përfaqësuara në Kuvend.

Këto shpenzime përfshijnë periudhën Janar-Mars 2025.

“Me qëllim të zbatimit të Ligjit nr. 08/L-122 për Financim të Subjekteve Politike, në ueb faqen e Komisionit Qendror të Zgjedhjeve janë publikuar raportet e shpenzimeve të tremujorit (janar – mars 2025) të subjekteve politike të cilat janë të përfaqësuara në Kuvendin e Republikës së Kosovës”, thuhet në njoftim.

Sipas këtij ligji, subjektet politike i dorëzojnë këto raporte në Zyrën për Regjistrim, Certifikim dhe Kontrollin Financiar të Subjekteve Politike (ZRCKFSP) dhe të njëjtat publikohen në ueb faqen e KQZ-së dhe të subjekteve politike.

Raportet tre mujore, që përfshijnë periudhën janar – mars 2025, janë publikuar në ueb faqen e KQZ-së.   /FrontOnline/