Subjektet politike për çdo vit obligohen që më së voni më 31 mars të dorëzojnë në Zyrën për Regjistrim, Certifikim dhe Kontrollin Financiar të Subjekteve Politike, formularin për vazhdimin e regjistrimit. Në lidhje me këtë, nga 540 subjekte politike të regjistruara, dy subjekte politike nuk kanë vazhduar në Zyrë formularin e vazhdimit të regjistrimit.
Bëhet fjalë për Partinë Republikane për Ndryshim-PRN, dhe Shpresa Demokrate-ShD
Lidhur me aktet ligjore, drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala, i ka rekomanduar Komisionit Qendror të Zgjedhjeve që të bëjë çregjistrimin e dy partive politike.
Komisioni Qendror i Zgjedhjeve me shtatë vota për, dhe një kundër, kaloi rekomandimin për çregjistrimin e këtyre dy partive.
