Me qëllim të shpalljes sa më shpejt të rezultateve përfundimtare, Komisioni Qendror i Zgjedhjeve ka rritur në maksimum kapacitet në Qendrën e Numërimit dhe Rezultateve.
Në këtë qendër tani do të punohet në 40 tavolina numërimi pasi është shtuar numri i tyre nga 28 sa ishin deri të martën.
Lajmin e ka bërë të ditur zëdhënësi i KQZ-së, Valmir Elezi, i cili ka thënë se kjo është bërë me qëllim që KQZ-ja të arrijë të shpall sa më shpejt rezultatet përfundimtare të zgjedhjeve të 14 shkurtit.
Më tej ai ka njoftuar se në orën 15:00 do të mbajë konferencë për media në QNR për të njoftuar lidhur me progresin e punës në këtë qendër.
