Në debutimin e saj në kualifikimet për CEV EuroVolley, Kosova e ka fituar setin e parë në histori të ciklit eliminator.

Vashat e Kosovës u mposhtën nga Mali i Zi, 3:1 duke regjistruar paraqitjen më të mirë në kualifikime, përcjell FrontOnline.

Edhe pse në dy raste (ndaj Malit të Zi dhe Sllovakisë) na mungoi fati për të marrë sete, “Dardanet” ia arritën këtij qëllimi në ndeshjen e dytë përballë fqinjeve nga Mali i Zi.

Malazezet e fituan setin e parë 25:19, para se në të dytin Kosova t’i jepte leksione, duke e kufizuar vetëm në 14 pikë, për ta fituar setin e parë dhe historik.

Seti i tretë dhe i katërt prape u fituan nga malazezet, që e regjistruan fitoren e dytë në këto kualifikime.

11 pikë të Dhuratë Sylejmanit, 10 të Venera Kadriut dhe të Adelajda Prengës, i dhanë Kosovë atë që e kishte cak në këto kualifikime./FrontOnline/