Ekipi kombëtar nga Federata e Shigjetarisë së Kosovës në përbërje Fehmi Bylykbashi, udhëheqës i ekipit/trajner, Edi Dvorani shigjetar junior dhe Valmir Gllareva, shigjetar kadet po merr pjesë në European Youth Cup 2021 që po mbahet në Catez të Sllovenisë prej 16 deri 22 maj 2021.

Ekipi është përkushtuar përgatitjeve paraprakisht për këtë pjesëmarrje duke realizuar me sukses programin stërvitor të përcaktuar nga trajnerët e federatës.

Në kuadër të orarit ditor, dje janë zhvilluar përgatitjet zyrtare dhe inspektimi i pajisjeve, ndërsa sot në orar janë garat për kualifikime.

Federata e Shigjetarisë së Kosovës i uron suksese ekipit duke shpresuar dhe besuar se do të kenë një plasman të suksesshëm./FrontOnline/