Instituti i Specializuar për Hulumtime “Gallup” përmes një sondazhit të fundit të publikuar në ueb-faqen e tij në lidhje me Ligjin dhe Rendin Global e ka renditur Kosovën në vendin e 12-të në Evropë me 86 % të besimit që ka në polici, ndërsa në vendin e 27-të në botë.

Sipas renditjes së “Gallup” prapa Kosovës është Serbia me 84 % , Mali i zi 82 %, Bosnja e Hercegovina 82%, Shqipëria me 77 % dhe Maqedonia e Veriut me 74 %.

Vendi i parë për besimin që ka në polici është Singapori me 97 % .

Kosova për besimin që ka në polici është renditur edhe para disa shteteve të Evropës, në pyetjen e Gallup se sa keni besim në polici Franca është renditur prapa Kosovës me 85 % Italia me 83 % dhe Hungaria me 83 %.

Ndërsa në pyetjen e Gallupit se sa ndjeheni të sigurt të ecni vetëm në rrugë , vendi i cili është renditur i pari për sigurinë në rrugë është sërish Singapori me 97%, Turkemistani 93 % dhe në vendin e tret renditet Norvegjia me 92%.

Sipas “Gallup” vendi më i rrezikshëm për të ecur vetëm është Afganistani me 12 %.

Në pyetjen se sa besoni në policinë lokale vendin e parë e zë :

Evropa Perëndimore me 83 % ,

Azia Juglindore 81%

Amerika perëndimore 80%

Azia Jugore 73%

Azia Lindore 71%

Europa Lindore 71%

Lindja e Mesme dhe Afrika e Veriut 71%

Afrika Sub-Sahariane 60%

Komonuelthi i Shteteve të Pavarura 53 % ,

Amerika Latine dhe Karaibet 49%.