Për 19 për qind është rritur importi i energjisë elektrike gjatë muajit tetor të këtij viti në Kosovë, në krahasim me periudhën e njëjtë të vitit të kaluar. Kështu bënë të ditur Agjencia e Statistikave të Kosovës (ASK) në raportin e publikuar të hënën (sot), raporton portali FrontOnline.

Sipas ASK-së, në tetor 2025 janë importuar mbi 302 mijë gigavat orë energji elektrike, përderisa në tetor 2024 ishin importuar mbi 254 gigavat orë energji elektrike, apo 19 për qind më shumë se në periudhën e njëjtë të vitit të kaluar.

Në anën tjetër, derisa importi është rritur, prodhimi i energjisë elektrike në vend kanë shënuar rënie. Nga termocentralet sivjet ka pasur më pak energji të prodhuar.

Gjihashtu prodhimi i thëngjillit në tetor 2025 ka qenë për rreth 15% më i ulët, në krahasim me tetorin 2024.

Përndryshe, opozita dhe mediet në Kosovë vazhdimisht kanë kritikuar Qeverinë “Kurti” për rritjen e importit të energjisë elektrike, duke e drejtuar gishtin kah akuzues nga zyrtarë të kësaj Qeverie se janë të lidhur, siç kanë thënë ata, me “mafinë energjetike” në kurriz të qytetarëve të vendit. /FrontOnline/