Korporata Energjetike e Kosovës (KEK) ka nxjerrë nga operimi njësinë B-2, raporton Front Online.

Sipas njoftimit thuhet që njësia B-2  është nxjerrë nga operimi për shkak të rritjes së shpenzimeve të ujit në këtë njësi, ndërsa si pasojë e kësaj Termokosi do të ketë mungesë të energjisë termike

Njoftimi i plotë:

Sqarim: KEK nxjerrë nga operimi njësinë B-2

Korporata Energjetike e Kosovës (KEK) njofton opinionin publik se në KEK nuk ka asgjë shqetësuese dhe nuk po ndodhë asgjë e jashtëzakonshme. Në fakt, KEK-u ka pasur një problem teknik në vetëm një njësi e cila pritet të zgjidhet shumë shpejt.

Në këtë drejtim ju njoftojmë se në mëngjesin e sotëm, rreth orës 05 :00, si pasaojë e rritjes së shpenzimit të ujit në njesinë B-2, kjo njësi është nxjerrë nga operimi. Tutje, ekipet e ekspertëve të KEK-ut menjëherë janë mobilizuar dhe janë duke dhënë maksimumin për të sanuar rrjedhjen e ujit dhe kthimin e kësaj njesie në punë gjatë ditës së nesërme, si pasojë deri nesër edhe Termokosi do të ketë mungesë të energjisë termike.

Për më tepër, në vazhdën e bashkëpunimit që këmi më Korporatën Energjetike Shqipëtare për shkëmbimin e energjisë elektrike, KEK-u menjëherë ka siguruar nga KESH-i gjysmën e energjisë (100 megawat) e cila është dashtë të prodhohet nga kjo njesi. Ndërkohë që pjesa tjetër e konsumit duhet të sigurohet nga kompania përgjegjëse për furnizimin e qytetarëve me këtë produkt.

Me respect,

Departamenti për Marrëdhënie
me Publikun dhe Komunitete
KORPORATA ENERGJETIKE E KOSOVES