Kryeparlamentari, Glauk Konjufca i ka reaguar deputetit të PDK-së, Bekim Haxhiu i cili ka pyetur atë se pse nuk e ka marrë vaksinën në cilësinë e ushtruesit të detyrës së presidentit, njëjtë siku kryeministri Kurti.

Konjufca tha se ka antitrupa pasi ka kaluar COVID-in dhe do ta harxhonte një vaksinë.

“Kryeministri e ka marrë vaksinën për të inkurajuar qytetarët që ta marrin atë. Një vaksinë ka qenë e mjaftueshme, për të mos e harxhuar vaksina, ka mjaftuar ta marr vetëm kryeministri dhe besoj që kjo ka qenë mesazhi i duhur politik. Unë kam antitrupa pasi e kam kaluar COVID-in dhe do ta harxhoja një vaksinë”, u shpreh Konjufca.

Deputeti i PDK-së Bekim Haxhiu, ka pyetur në seancën e Kuvendit, pse nuk u vaksinua edhe Glauk Konjufca si u.d i presidentit njëjtë sikur ai./Front Online