Policia e Kosovës ka njoftuar se është arrestuar i dyshuari për therjen me thikë në Prizren, që ka ndodhur më 14 nëntor .
Ai është A.V, i moshës 52-vjeçare, ndërsa i lënduari është B.V 41-vjeçar të cilët janë përfshirë në një konflikt.
Sipas Policisë, ata mes vete janë fqinj por që kanë lidhje familjare.
I dyshuari është dërguar në mbajtje për 48 orë nën dyshimin se ka kryer veprën penale “Vrasje në tentativë”.
Njoftimi i plotë:
Arrestohet i dyshuari për therje me thikë në Prizren, i dyshuar për veprën ‘Vrasje në tentativë’
Prizren, 16 Nëntor 2022
Me datë 14.11.2022 , rreth orës 19:30 pas një konflikti verbal në mes të dy fqinjëve që kanë lidhje familjare gjithashtu një i dyshuar e godet disa herë me thikë viktimën.
Viktima B.V. 41 vjeç në gjendje të rëndë dërgohet në emergjencë ne Prizren.
Policia i është përgjigjet rastit dhe për veç mbledhjes së provave dhe dëshmive në vendin e ngjarjes e kërkon edhe të dyshuarin , i cili ishte arratisë.
Me datë 15.11 2022 rreth orës 16:00 pas një punë të mirë hetimore-operative të hetuesve të Stacionit Policor Prizren dhe Njësisë Rajonale të hetimeve është arrit që të arrestohet i dyshuari A.V. 52 vjeç.
I dyshuari është intervistuar në prezencën e avokatit mbrojtës dhe me urdhër të prokurorit i është caktuar masa e ndalimit policor për 48 orë, për dyshim për veprën penale “Vrasje në tentativë”.
