Shkelje të shumta ka evidentuar Zyra Kombëtare e Auditimit (ZKA) gjatë auditimit të pasqyrave financiare për vitin 2020 për komunën e Pejës, raporton Front Online.
Sipas ZKA-së në dy dosje të tenderit – mes tjerash – tek pjesa kapaciteti ekonomik dhe financiar ishte kërkuar që OE të ofrojnë dëshmi – pasqyrat financiare të audituara për 3 (tri) vitet e fundit dhe raportin e audituar për pasqyrat përkatëse nga një kompani e licencuar, raporton Front Online.
“Komuna kishte shpërblyer me kontratë OE pa e përmbushur këtë kriter, rastet janë si në vijim: Në dosjen e tenderit “Furnizimi me pajisje të fitnesit (outodor) dhe rregullimi i hapësirave fushore për vendosjen e tyre” operatori ekonomik (OE) i shpërblyer me kontratë nuk kishte ofruar pasqyrat e audituara për tri vite, por kishte ofruar vetëm një rishikim të pasqyrave financiare për vitin 2019. Pavarësisht kësaj, kontrata ishte nënshkruar më 27.11.2020 në vlerë 14,958€” thuhet në raportin e ZKA-së, raporton Front Online.
Po ashtu edhe në dosjen e tenderit “Furnizimi me uniforma (veshmbathje) për nevojat e drejtorive të SHCK-së” OE i shpërblyer me kontratë kishte ofruar pasqyrat e audituara vetëm për vitin 2019. Pavarësisht kësaj, kontrata ishte nënshkruar me dt. 29.12.2020 në vlerë 29,791€, raporton Front Online.
“Shkak i parregullsive të tilla ishte neglizhenca e zyrtarëve kompetent për mbikëqyrje dhe vlerësim të ofertave. Shpërblimi me kontratë i operatorëve ekonomik pa i plotësuar të gjitha kriteret e vendosura në dosje të tenderit dhe njoftimin për kontratë është kundërligjor dhe njëherësh vendosja e kriterit për të ofruar pasqyrat financiare të audituara ka ndikuar në kufizimin e konkurrencës, ku në të dy rastet kishin ofertuar vetëm OE fitues. Kryetari duhet të siguroj përmes menaxherit të prokurimit se në procesin e vlerësimit të ofertave të respektohen plotësisht kërkesat e parashtruara në dosjen e tenderit duke siguruar që vetëm operatorët ekonomik që i përmbushin kriteret të shpërblehet me kontratë. Po ashtu me rastin e vendosjes së kritereve të mos vendosen kriteret që ndikojnë në kufizim të konkurrencës” thuhet në raportin e ZKA-së, raporton Front Online.
