4 amandamentet e tyre, partitë në pushtet, i pranuan.

Andaj, në Partinë Demokraktike të Kosovës, e mbajtën fjalën.

Dy anëtarët e saj në Komisionin për Buxhet dhe Transfere i dhanë votat e tyre pro, duke mundësuar kështu kalimin e projektligjit për Rimëkëmbje Ekonomike në këtë trupë.

Se njëjtë do të veprojnë edhe në Kuvend kur të thirret seanca për këtë e tha edhe shefi i tyre i përkohshëm, Enver Hoxhaj.

E ujdinë mes pozitës dhe subjektit numër dy më të madh opozitar rreth këtij projektligji, përfaqësuesit e bizneseve, po e quajnë lajm të mirë.

“Ësht֝ë për t`u vlerësuar bashkëpunimi pozitë – opozitë që janë veçuar me disa amandamente që realisht janë edhe kërkesa të bizneseve. E lehtëson gjendjen e biznseve. Ka qenë e panevojshme të shtyhet kaq gjatë”, u shpreh për Front Online kryetari i Odës Ekonomike të Kosovës, Berat Rukiqi.

“Presim të premtën që partitë në pushtet + PDK-ja t`i bashkojnë votat për Ligjin për Rimëkëmbje dhe t`i japin një drejtim mbështetjes së qytetarëve, bizneseve , ndërmarrësve, për ta tejkaluar pandeminë”, pohoi për Front Online, Agim Shahini – kryetar i Aleancës Kosovare të Bizneseve.

Edhe ekonomisti, Safet Gerxhaliu, e mirëpret kalimin e projektligjit, ndonëse e konsideron si të vonuar.

Partitë për këtë çështje, sipas tij, do të mund të merreshin vesh shumë me herët mes vete.

“Definitivisht një ligj i tillë është dashur menjëherë në maj të miratohet dhe sot jemi në dhjetor e ende nuk është akoma i miratuar”, tregoi për Front Online.

Tash pasi Komisioni i dha dritën jeshile, projektligji, duhet të shkojë në Kuvend për votim në lexim të dytë.

Vlera totale e tij është 365 milionë euro. E me të parashihen të ndihmohen bizneset e prekura nga pandemia.