×
  • Lajme
  • Lajme

    Koloneli shqiptar në Estoni tregon hapat e mbetur për Kosovën për t’iu bashkuar NATO-s

    FrontOnline
    27 Maj 2024

    Asambleja Parlamentare e NATO-s e ka miratuar të hënën rekomandimin për avancim të statusit të Kosovës nga anëtare vëzhgues në anëtare të asociuar, ka bërë të ditur kryesuesi i Delegacionit të Kuvendit të Republikës së Kosovës në Asamblenë Parlamentare të NATO-s, Driton Hyseni.

    Sa i përket avancimit të statusit të Kosovës në Asamblenë Parlamentare të NATO-s, koloneli shqiptar në Estoni, Çlirim Toci, e quan si një nga lajmet më të mira që Kosova e ka marrë.

    “Marrja e statusit të asociiuar në Asamblenë Parlamentare është një nga lajmet më të mira që Kosova ka marrë që nga shpallja e pavarësisë,” ka thënë Toci.

    Sipas Tocit, rruga e anëtarësimit në Parlamentin e NATO-s dhe drejt organizatave dhe strukturave të tjera të NATO-s janë dy rrugë të cilat shkojnë paralel, por ato ndahen dhe ndërthuren.

    “Antarësimi i sotëm është një vendimmarrje ose proces politik që i jep një zë më shumë Kosovës ose politikbërësve në Kosovë që të marrin pjesë në forume të mëdha që organizohen nga NATO dhe diskutojnë për çështje të sigurisë së mbrotjes,” deklaroi Toci.

    Nëse diskutohet për antarësimin në NATO, koloneli tha se hapi tjetër duhet të jetë anëtarësimi i Kosovës në Partneritetin për Paqe.

    “Është një rrugë tjetër që njëfarë mënyre duket rrugë e gjatë, por për Kosovën nuk është e pamundur, hapi tjetër duhet të jetë anëtarësimi i Kosovës në partneritetin për paqe, partneriteti për paqe që është një iniciativë që ka filluar që në vitin 1994 do t’i mundësonte Kosovës të kalonte në atë që quhej paradhoma e anëtarësimit në NATO dhe do t’i mundësonte asaj jo vetëm të përfitonte nga të drejta e studimeve, por të përfitonte edhe nga ekspertiza e ndërtimit të një force efektive të aftë për të vepruar dhe koordinuar jo vetëm për çështje më të sigurisë brenda vendit por edhe në bashkëveprim me vende tjera.”

    Sa i përket situtatës së sigurisë, sipas Tocit, situata është pak dinamike jo vetëm në Kosovë, por dhe në rajon, duke mos e lënë në njërën anë vetëm zhvillimin në Kosovë, por duke e shikuar edhe situatën në Bosnjë e Hercegovinë.

    Bashkëpunimi me Gjermaninë në fushën e mbrojtjes dhe të tjera është njëra nga bashkëpunimet shumë të rëndësishme sipas kolonelit.

    “Gjermania është një nga vendet më të zhvilluara dhe ka një ushtri të konsoliduar dhe një zë shumë i dëgjuar në Aleancën e NATO-s, unë mendoj që anëtarësimi në këtë strukturë që ndodhi sot do të jepte një sinjal shumë të rëndësishëm jo vetëm brenda Kosovës por edhe kundërta, disa aktorëve në rajon siç është Serbia që njihet si një vend destabilizues dhe kërcënues për sigurinë dhe stabilitetin në rajon,” ka thënë Toci në RTV Dukagjini.

    Teksa Serbinë e quan si një ndër zërat më të fuqishëm të Rusisë, që sipas tij, shteti rus po e përdor atë dhe do të vazhdojë ta përdorë për të destabilizuar jo vetëm Kosovën, por edhe rajonin.

    “Por, Serbia dihet që është një nga zërat e fuqishëm të Rusisë, Rusia e përdor Serbinë dhe do të vazhdojë ta përdorë për ta destabilizuar jo vetëm Kosovën, por të gjithë rajonin. Ne e kemi përmendur që mënyrat që do të përdorë Rusia në bashkëpunim me Serbinë do të jetë jovendosja e trupave në teren, por duke përdorur format hibride si elementet politike, fenë, organizata dhe forma të tjera në forma ndihme që Rusia dhe Serbia vazhdojnë të ndihmojnë element destabilizues jo vetëm në veri, por edhe në rajon e më gjerë e në Bosje e Hercegovinë,” përfundoi Toci.

    OFERTË për Black Friday, Festën e Flamurit dhe Pikën e Re në Petrol Company
    Nga Rubrika
    Lajme15 Qershor 2024
    Sot do të varroset në fshatin Talinoc i Muhaxherëve të Ferizajt, nënoficeri i Forcës së Sigurisë së Kosovës, Muhamet Beqiri. Ai ndërroi...
    Lajme15 Qershor 2024
    Policia e Kosovës dje në veri të vendit ka gjetur arsenal armësh në dy lokacione të ndryshme. Bëhet e ditur se në...
    Lajme15 Qershor 2024
    Bashkëpunimi sa vjen e bëhet më i ngushtë ndërmjet Kosovës dhe Forumit Ekonomik të Vjenës (VEF). Për të biseduar për hapat e...
    Të tjera
    Kronika15 Qershor 2024
    Është arrestuar një burrë në Lipjan, i cili dyshohet se ka rrahur motrën e tij. Pas intervistimit me vendim të prokurorit, rasti...
    Kronika15 Qershor 2024
    Një i dyshuar është arrestuar të premten pasi kishte rrëmbyer një person dhe që për lirimin e tij kërkonte 30,000 euro nga...
    Kronika15 Qershor 2024
    Një përleshje fizike ka ndodhur ditën e premte mes dy personave në Han të Elezit. Policia njofton se një person ka pësuar...
    Kronika15 Qershor 2024
    Një burrë nga Jabllanica ka raportuar në Polici zhdukjen e bashkëshortes dhe vajzës së tyre. Sipas Policisë, i njëjti ka njoftuar se...
    Bota/Rajoni15 Qershor 2024
    Për fundjavën që presim Shqipëria do të ndikohet nga kushte të qëndrueshme atmosferike kjo dhe për shkak të depërtimit të masave ajrore...
    Lajme15 Qershor 2024
    Nga 170 euro sa ishte vitin e kaluar, çmimi i një kurbani në Kosovë këtë vit ka shkuar në 350 euro. Shitësit...

    FrontOnline, © 2024 Të gjitha të drejtat e rezervuara.