Modeli Jesko e pa premierën në formën e një prototipi në vitin 2018 në Motor Show në Gjenevë, është emëruar sipas babait të themeluesit të kompanisë suedeze të makinave dhe duhet të marrë titullin e makinës më të shpejtë Koenigsegg, transmeton FrontOnline.

Përpara fillimit të prodhimit të modelit Jesko, i cili do të bëhet nga specialistët e Koenigsegg në vetëm 125 kopje, kompania suedeze e makinave e kryesuar nga Christian von Koenigsegg publikoi fotot e versionit paraprodhimit, ngjyra portokalli e trupit e të cilit duhet të ngjante me modelin 2006 CCX .

Në Koenigsegg, ata thonë se pasardhësi i modelit Agera RS (i cili zhvilloi 458 km/h) arriti 531 km/h në simulator pa ndonjë problem, dhe pas përpjekjeve të shpallura “të drejtpërdrejta”, do të dihet nëse makina amerikane SCC Tuatara do të mbetet në krye të listave të makinave më të shpejta që mund të regjistrohen dhe përdoren në rrugët publike.

Deri atëherë, për modelin e fundit Koenigsegg me të cilin ata po konsiderojnë thyerjen e rekordeve të shpejtësisë në Gelngelholm, klientët duhej të linin mënjanë të paktën 2.41 milion euro (sa kushton modeli pa mundësi shtesë), dhe çmimin për Jesko në versionin Absolut është 3.38 milion euro.

Për këto para, ata do të marrin një “aeroplan luftarak” për dy persona me një motor 5 litërsh biturbo V8 të vendosur në qendër që në kombinim me karburantin E85 zhvillon 1,624 kuaj fuqi dhe 1,500 Nm çift rrotullues maksimal, i cili shpërndahet në boshtin e pasmë nga një marsh automatik me 9 shpejtësi./FrontOnline/