Avokati i njohur, Arianit Koci, thotë se fakti se një prej sulmuesve në Vjenë është me prejardhje shqiptare më bën të ndihem i turpëruar.Koci thotë se fundërrina të tilla që thirren e vrasin në emër të një fryme të degjeneruar të islamit politik, duhet haptazi t’ju tregojmë që nuk kanë vend në Kosovë.

“Ndoshta nuk kemi fuqi reale, por e kemi vullnetin që të jemi në ballë të luftës kundërtë keqës; kundër terrorizmit, qoftë edhe me trupat tanë” shkruan Koci në Facebook shkruan Gazeta Blic.

Postimi i plotë:

Përgjegjësia penale është individuale, por fakti se njëri prej terroristëve është me prejardhje shqiptare, më bën të ndihem keq dhe i turpëruar.
Sidoqoftë, nuk ka më vend për taktizim.

Fundrrinave që thirren e vrasin në emër të një fryme të degjeneruar të islamit politik, duhet haptazi t’ju tregojmë që nuk kanë vend në Kosovë.Nuk ka vend as për shfajësime e as për arsyetime.Ndoshta nuk kemi fuqi reale, por e kemi vullnetin që të jemi në ballë të luftës kundër
të keqës; kundër terrorizmit, qoftë edhe me trupat tanë.