Klubi futbollistik Southampton përmes një cicërime në tëitter është tallur me presidentin e SHBA’së, Donald Trump.
Southampton ka postuar një fotografi ku shihet renditja momentale e klubeve në tabelën e ligës angleze. Southampton në këtë tabelë prin e para me 16 pikë. “Ndaleni numërimin”, ka shkruar Southampton duke lënë të kuptohet se në këtë situatë shpallet kampion.
Shprehjen “Stop the count” apo “Ndaleni numërimin” e ka përdorur Trump pak ditë më parë gjatë kohës sa po dilte keq në zgjedhje.
STOP THE COUNT pic.twitter.com/rS94knWEhO
— Southampton FC (@SouthamptonFC) November 6, 2020
Kjo për shkak se në natën e parë të zgjedhjeve, republikanë te Trumpit patën përshtypjen se do të fitonin, meqë Trump udhëhiqte në disa shtete me rëndësi si Michigan, Georgia dhe Pennsylvania.
Në të tria këto shtete, presidenti i ardhshëm i SHBA’së, Joe Biden, përmbysi rezultatin.
Ankesat e Trumpit s’kanë të ndalur që prej momentit kur kuptoi se po i humb zgjedhjet.
Trump ka thënë se do ta dërgojë cështjen në Gjykatën Supreme edhe pse saktësisht nuk dihet pse. Deri tash nuk është vërtetuar ndonjë parregullsi në zgjedhje.
