Shumë njerëz pinë çaj mente sepse shijojnë shijen e tij dhe gjithashtu ka përfitime të shumta shëndetësore. Çaji i mentës mund të ndihmojë në luftimin e erës së keqe të gojës.

Hulumtimet e vitit 2017 treguan se gargara e çajit të mentës dhe limonit mund të ndihmojnë në mënyrë të konsiderueshme në eliminimin e këtij fenomeni të pakëndshëm, transmeton FrontOnline.

Po ashtu, një studim tjetër i kryer në 2015 vërtetoi se vaji i mentës ka veti antibakteriale që mund të ndihmojnë në parandalimin e shfaqjes së gurit dhe sëmundjes së mishrave të dhëmbëve.

Aroma e këtij çaji mund të lehtësojë simptomat e migrenës. Gjithashtu mund të zhbllokojë hundën dhe të lehtësojë infeksionet e traktit të sipërm respirator. Vaji i mentës ka efekte të njëjta.

Njerëzit kanë përdorur prej kohësh mentë për problemet e tretjes, të tilla si stomaku “nervoz”, fryrja dhe gazrat. Lehtëson ngërçet e muskujve të lëmuar që mund të shkaktohen nga menstruacionet.

Ky çaj nuk përmban kafeinë, por ka një efekt pozitiv në aftësinë mendore. Hulumtimet nga Universiteti i Northumbria kanë treguar se nenexhiku përmirëson gjendjen shpirtërore dhe aftësinë për të kujtuar.

Studiuesit krahasuan placebo me çajin e nenexhikut në një grup prej 180 individësh. Dëshironi të hiqni qafe kilogramët e tepërt? Një filxhan çaj mente siguron një ndjenjë të ngopjes gjatë gjithë ditës.

Në këtë mënyrë ju do të shmangni konsumimin e kalorive të tepërta dhe së shpejti do të humbni peshë./FrontOnline/