Albert Kinolli, kryetari i PREBK-së, pas takimit me kryeministrin në detyrë, Albin Kurti, tha se se si subjekt politik, nuk kanë vija të kuqe për asnjë parti politike tjetër.

“Ne nuk kemi vija të kuqe për asnjë subjekt politik”, tha ai në një prononcim për media

Tutje, Kinolli tha se kërkesa e tyre karshi kryeministrit në detyrë ishte që të kishin përfaqësim të drejtë dhe të barabartë në Kuvendin e Kosovës.

“Kërkesa jonë ka qenë që të jemi të barabartë dhe të përfaqësohemi në mënyrë të denjë dhe në të njëjtën mënyrë si deputetët që janë në një vi me ne”, tha ai.

Sakaq, pyetjes se a do të votojnë formimin e qeverisë nga opozita, ai tha se për këtë do flasin pas 15 prillit, dita kur do të mbahet seanca konstituive.