Modelja e famshme Kim Kardashian po e rivlerëson marrëdhënien e saj me markën prestigjioze të modës, Balenciaga, pasi që kjo e fundit ka publikuar një fushatë reklamuese brenda të cilës shfaqeshin fëmijë që mbanin arushë pelushi të veshur me parzmore të stilit të skllavërimit.
Në drejtim të Kim erdhën mijëra komente e kritika dhe nuk vonoi shumë që ylli i “The Kardashians” të reagojë, duke ndarë me ndjekësit e saj disa storie në Instagram, derisa ka thënë se është tronditur nga imazhet e fushatës së Balenciagas.
“Kam qenë e heshtur ditët e fundit, jo sepse nuk kam qenë e neveritur dhe e indinjuar nga fushatat e fundit të Balenciaga-s, por sepse doja një mundësi për të folur me ekipin e tyre për të kuptuar vetë se si mund të kishte ndodhur kjo,”- ka shkruar Kardashian në deklaratën e saj.
“Si nënë e katër fëmijëve, jam tronditur nga imazhet shqetësuese. Siguria e fëmijëve duhet të trajtohet me respektin më të lartë dhe çdo përpjekje për të normalizuar abuzimin e fëmijëve të çfarëdo lloji nuk duhet të ketë vend në shoqërinë tone”- shton më tej ai.
Balenciaga e tërhoqi fushatën skandaloze që po ashtu përfshinte një kopje të shtypur të një vendimi të Gjykatës Supreme të SHBA-së mbi ligjet e pornografisë për fëmijë në sfondin e një fotoje.
Themeluesja e Skims ka një histori të gjatë me Balenciaga, duke përfshirë pozimin në fushatën e saj të dimrit 2022 dhe ecjen në shfaqjen e modës së modës në Paris gjatë muajit korrik.
