Siç duket, ka ndikuar debati i fundit që ajo pati me Luizin. Në një pjesë të konsiderueshme të komenteve, njerëzit nuk e kanë vlerësuar qëndrimin e saj dhe të shumtë janë ata që mendojnë se ajo “po e shfrytëzon Luizin veç për lojë”.

Në një lojë të organizuar nga “Vëllai i madh”, vajzat duhej të mos u flisnin djemve. Këta të fundit vendosën të bënin çmos që atyre t’u prishej loja. Me këtë synim, Luizi vendosi Kiarën në një cep të tualetit dhe brenda pak minutash, ajo filloi të ndihej keq, t’i merrej fryma dhe rrjedhimisht, të kërkonte ndihmë.

Për shkak të bllokimit fizik të Kiarës, për banorët mbërriti një zarf i zi, ku shkruhej ndër të tjera: “Banorët nuk mund të ushtrojnë presion psikologjik, të dhunojnë verbalisht, ofendojnë, bullizojnë dhe në rastin më të fundit, të bllokojnë fizikisht – me justifikimin “në kuadër të lojës”.”