Lideri i LDK-së, Lumir Abdixhiku, ka zbuluar disa pika të platformës së kandidates për presidente, Vjosa Osmani.

Abdixhiku thotë se në shumë tema që kanë biseduar me Osmanin, kanë një pajtim me komentet që i kanë dhënë.

“Një platformë e ka të shkruar, nuk do ta publikoja, me siguri pretedentja nëse zgjedhet e bën para zgjedhjes ose pas. Pra, platformën që e kemi diskutuar për shumë tema që janë, e kemi një pajtim me të gjitha komenetet që i kemi dhënë”, thotë Abdixhiku.

Ai madje ka përmëndur edhe disa pika të platformës, për të cilën thotë se kjo ideologji e Osmanit është ndërtuar me kohë brenda LDK-së.

“Është çështja e dialogut, është çështja e funksionimit kushtetues të Kosovës, çështja e përfaqësimit jashtë, çështja pavarësisë së gjyqësorit, çështja e pavarësisë e mekanzimave të sigurisë dhe është çështja e temave sensitive që i kemi pasur në tavolinë herave të shkuar tash e sa kohë. Me të cilën, tema pak a shumë në brumin ideologjik të Osmanit të ndërtuar me kohë brenda LDK-së, e përfqësojnë at bindjen tradicionale të LDK-së, për shtet të pavarur sovran, si projekt përfundimtar”, thotë Abdixhiku