Dy persona janë arrestuar në Fushë Kosovë, të cilët janë kapur në flagrancë nga Policia, njëri duke shtiru drogë e tjetri duke e blerë. Rasti ka ndodhur mbrëmë në rrugën “28 Nëntori”, me ç’rast të dyshuarit u shoqëruan në stacion policor.

Sinjali ka mësuar identitetin e dy të rinjve, njëri prej të cilëve ka përfunduar në ndalim policor.

Burimet nga Prokuroria kanë bërë me dije se personi që dyshohet për shitje dhe shpërndarje të substancave narkotikë është Ardit Shalaku, 24-vjeçar, ndaj të cilit Prokurori i Shteti ka nxjerrë aktvendim për ndalim. Ndërsa i dyshuari tjetër është Urim Gashi, po ashtu 24-vjeçar, që është lënë i lirë.

Njësitë policore kanë kapur Shalakun dhe Gashin duke shkëmbyer substanca narkotike të llojit marihuanë dhe si rrjedhojë të dy kanë përfunduar në pranga.

Sinjali mëson se të dilleri 24-vjeçar i cili dyshohet se ka shitur marihuanën te bashkëmoshatari i tij, janë gjetur dhe konfiskuar katër paketime me substancë të dyshuar narkotike të llojit marihuanë të cilat ishin gati për shitje.

Pas përfundimit të procedurave policore, Shalaku është ndaluar për 48 orë dhe dot të hetohet nën dyshimet për kryerjen e veprës penale ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’.

Po ashtu ndaj të dyshuarit i cili bleu marihuanën për konsum personal, është iniciuar rasti ‘Posedim i paautorizuar i narkotikëve, substancave psikotrope ose analoge’.