Këshilli Prokurorial i Kosovës ka mbajtur sot një takim urgjent ku kanë vendosur të pezullojnë nga puna një prokuror.
Ky pezullim ka ardhur me kërkesën e autoritetit për shkelje disiplinore nga ana e prokurorit nga Prokuroria Themelore në Prishtinë.
Njoftimi i plotë nga KPK:
Në këtë takim, KPK-ja ka trajtuar kërkesën e autoritetit kompetent për shkelje disiplinore nga ana e një prokurori të Prokurorisë Themelore në Prishtinë.
Me këtë rast, KPK-ja ka marrë vendim në mënyrë unanime për pezullimin nga puna të prokurorit në fjalë, si dhe ka themeluar Panelin hetimor, i cili do të trajtojë rastin dhe do t’i rekomandojë KPK-së vendimin përfundimtar.
