Kërpudhat janë ndër  ushqimet më të shëndetshme dhe kohët e fundit kemi një përzgjedhje në rritje si të vetë kërpudhave ashtu edhe pjatave në të cilat ato përdoren. Përveçse janë të shijshme, kërpudhat më të ngrënshme janë gjithashtu jashtëzakonisht të shëndetshme: kërpudhat janë me pak kalori, megjithatë plot fibra dhe të pasura me një larmi vitaminash, mineralesh dhe antioksiduesish.

Megjithëse disa mendojnë se i përkasin familjes së bimëve, ADN-ja e kërpudhave është më e ngjashme me atë të kafshëve, por për nga karakteristikat nuk janë as bimë (nuk kanë kloroform), dhe padyshim që nuk janë kafshë. Kjo është arsyeja pse këto organizma (të cilët përndryshe mund të jenë një ose më shumë qelizorë) kanë një ‘mbretëri të tyre’: kështu që përveç bimëve dhe kafshëve, ekziston edhe një mbretëri e kërpudhave, organizmat më të përhapur në Tokë me, me sa duket, rreth një milion e gjysmë specie të ndryshme). “Ato përmbajnë një listë mjaft të gjatë të lëndëve ushqyese, dhe për shkak të sasisë së konsiderueshme të vitaminave B, ato gjithashtu ndihmojnë në riparimin e dëmtimit të qelizave”, thotë nutricionisti Dan Nguyen, duke shtuar se kërpudhat janë gjithashtu një burim i shkëlqyeshëm i kaliumit, i cili është i nevojshëm për rregullimin e presionin e gjakut.

Për më tepër, nëse ato u rritën në dritë ose i lini në diell pasi u nxorën nga toka, ato janë një burim i shkëlqyeshëm i vitaminës D, e cila është thelbësore për shëndetin e kockave, zemrën, sistemin imunitar dhe madje edhe gjendjen shpirtërore. Shija e pasur dhe struktura e mishit i bën ato një alternativë të popullarizuar ndaj mishit, aq më tepër sepse janë plot proteina dhe përmbajnë të nëntë aminoacidet thelbësore dhe janë gjithashtu të pasura me hekur, fosfor, kalium dhe shumë elementë tjerë. Përveç këtyre të cekura më lartë, kërpudhat gjithashtu i përkasin nëngrupit të bimëve gjithnjë e më të popullarizuara të ashtuquajturave adaptogene.

Këto janë të ashtuquajturat ‘super-bimë që ndihmojnë në rikuperimin më të shpejtë fizik, por gjithashtu mbrojnë nga stresi. Përveç kësaj, adaptogjenët potencialisht ndihmojnë me funksionet imune, çrregullimet e humorit (p.sh., ankthi), dhe madje veprojnë si stimulues që përmirësojnë qëndresën fizike. Kërpudhat e thata janë përdorur prej kohësh në mjekësinë tradicionale kineze, por një interes i ri në Perëndim i ka futur ato në botën e shëndetit. Disa kompani kanë filluar të vendosin kërpudha të thata në gjithçka që ata ofrojnë, nga kafeja në supë./FrontOnline/