Prokurori spanjoll ka kërkuar më shumë se tetë vjet burg për superyllin kolumbian Shakira dhe gjobë prej më shumë se 23 milionë euro, më saktë 23.51 milionë dollarë, për, siç thonë ata, mashtrim tatimor prej 14.5 milionë euro.

Superylli i Amerikës Latine Shakira hodhi poshtë marrëveshjen e ofruar nga prokurorja në çështjen e saj për evazion fiskal në Spanjë prej 14.5 milionë eurosh.

Këngëtarja kolumbiane – e cila ka shitur më shumë se 80 milionë disqe në mbarë botën me hite të tilla si “Hips Don’t Lie” – ka shlyer gjithmonë të gjitha detyrimet e saj tatimore, thuhet në deklaratë.

Ajo e konsideron rastin si shkelje të plotë të të drejtave të saj. “Këngëtarja është plotësisht e bindur në pafajësinë e saj dhe për këtë arsye nuk e pranon marrëveshjen”, thuhet në deklaratë.

Kushtet e zgjidhjes së propozuar nuk janë bërë të ditura. Shakira akuzohet se ka dështuar të paguajë 14.5 milionë euro (14.7 milionë dollarë) tatimi mbi të ardhurat midis 2012 dhe 2014, periudhë në të cilën përfaqësuesit e Shakira thonë se ajo nuk ka jetuar në Spanjë./FrontOnline/