Këngëtarja Jesse J zbuloi se ajo vuan çdo ditë e më shumë ndërsa flet për luftën e saj me sëmundjen e Meniere.

Këngëtarja u diagnostikua në dhjetor me një gjendje që prek veshin e saj dhe mund të shkaktojë marramendje. Në Instagram, 33-vjeçarja shpjegoi se ajo qau me orë të tëra pasi vuri re se sëmundja “preku edhe zërin e saj”.

“Dje u përpoqa të këndoj një këngë që zakonisht e këndoj me lehtësi, por nuk munda. Problemi që kam nuk është zëri im, por ajo që ndikon në zërin tim”, tha ajo, dhe vazhdoi: “Unë qava. Për orë të tëra. I lejova vetes të ndieja një pjesë të thyer të vetes që e injoroj kur nuk duhet. Kanë kaluar 6 muaj dhe ende nuk mund të mbijetoj gjithë ditën pa dhimbje në mes të qafës dhe fytit”.

Jesse J tha se disa ditë janë shumë më të mira se të tjerat, por që vështirë se mund ta durojë faktin se nuk mund të këndojë atë që mund të bënte më parë. Ajo tha se mjekët po vazhdojnë me analizat. “E gjithë shpresa po zhduket. Ndihem aq e humbur dhe e vetmuar në atë që po ndodh”, tha këngëtarja.

Ajo pranoi se është e pamundur të kesh mendime pozitive gjatë gjithë kohës.

“Nuk jam krenare që gjithmonë pretendoj se jam mirë. Nuk është e shëndetshme”, tha ajo./FrontOnline/