Katër persona, tre burra dhe një grua, kanë sulmuar fizikisht gjashtë persona të tjerë, tri gra dhe tre burra, dje në rrugën “Shaban Bajraktari” në Pejë.

Policia tha se viktimat si pasojë e sulmet fizik kanë marrë lëndime dhe janë dërguar për tretman mjekësor, ndërkaq, janë arrestuar tre persona dhe një tjetër është në kërkim.

“Raportohet se katër të dyshuar, tre meshkuj  dhe një femër kosovarë, kanë sulmuar fizikisht gjashtë viktimat tri femra dhe tre meshkuj kosovarë. Si pasojë e sulmit fizik lëndime të rënda trupore kanë pësuar të gjithë viktimat të cilët janë dërguar në tretman mjekësor. Lidhur me rastin janë arrestuar tre të dyshuar të cilët pas intervistimit me vendim të prokurorit dy janë dërguar në mbajtje, ndërsa e dyshuara femër është liruar në procedurë të rregullt. Kurse njëri nga të dyshuarit gjendet në kërkim. Rasti nën hetime”, tha policia