Emisari i ri i Shteteve të Bashkuara të Amerikës për Ballkanin Perëndimor, Alexander Kasanof, ka thënë se vendi i tij mbetet i përkushtuar ndaj sovranitetit dhe demokracisë multietnike që po ndërtohet në Kosovë, dhe se ende vazhdojnë të jenë mbështetës ndaj kësaj.

Në takimin që e pati sot me gazetarë, ai ka thënë se ShBA-ja vazhdon të mbështesë Kosovën integrimin euroatlantik të Kosovës dhe integrimin në strukturat evropiane, “veçanërisht në këtë kohë ku shohim kaq shumë ndryshime në Evropë”.

“Mendojmë se ky vazhdon të jetë vendi i merituar për Kosovën dhe është diçka që duam ta avancojmë. Dhe ne duam të punojmë me Kosovën për këtë dhe të vazhdojmë me atë dëshirë”.

I pyetur për deklaratat e ish-emisarit amerikan, Gabriel Escobar, se Qeveria e Kosovës, ShBA-në nuk e trajton si një partner dhe nuk punon me atë për stabilitetin rajonal dhe se kjo rrezikon procesin e dialogut Kosovë-Serbi.

Kasanof u shpreh se është e qartë nga komentet e mëparshme nga shumë zyrtarë amerikanë që kanë treguar se veprimet e pakoordinuara nga qeveria e komplikojnë mundësinë tonë që të lobojmë në mënyrë efektive për Kosovën.

“Në takimet e mia me presidenten dhe kryeministren, ritheksova dëshirën tonë për një partneritet më efektiv. Gjithashtu u shpreha se jemi të kënaqur me rifillimin e qarkullimit të mallrave dhe që Kosova ka mundur të zërë vendin e saj në CEFTA dhe në Procesin e Berlinit”, ka thënë Kasanof. /Klankosova.tv