Përplasjet e ashpra dhe tensionet në fushë kanë çuar në ndërprerjen e ndeshjes mes Saint-Etienne dhe Lyon në kuadër të Ligue 1, raporton Gazeta Sinjali.

Takimi, i njohur si një ndër derbit më të zjarrtë në Francë, u ndërpre pasi gjyqtari anësor u godit me sende të forta të hedhura nga tribuna e tifozëve të Lyonit. Incidenti ndodhi në pjesën e parë të ndeshjes, në momentin kur vendasit kishin epërsinë prej 1:0.

Golin e vetëm deri në atë çast e realizoi Stassin në minutën e 10-të, por ishte pikërisht ai që ndezi polemikat pas një ndërhyrjeje të ashpër ndaj Tolisson. Tifozët e skuadrës mysafire u revoltuan kur gjyqtari vendosi të mos e ndëshkonte me karton të kuq autorin e golit, gjë që çoi në reagime të dhunshme nga tribuna.

Autoritetet janë në diskutim për fatin e mëtejshëm të ndeshjes, ndërsa pritet edhe një vendim disiplinor ndaj tifozëve dhe klubit të Lyonit.