Reperi Kanye West thuhet se është në lidhje dashurie me supermodelen e famshme Irina Shayk, shkruan faqja e thashethemeve ‘Deux Moi’. Kjo faqe ka pasur të drejtë shumë herë kur bëhet fjalë për dashuri të reja, dhe tani ata shkruajnë se Kanye gjeti ngushëllim në këtë bukuroshe ruse pas divorcit me Kim Kardashian.

“Kanye West është në lidhje të fshehtë me Irina Shayk”, i tha një burim faqes në fjalë. “Kur unë futem pak më thellë në të këtë, nuk e di nëse ‘lidhja’ është emri i duhur për të, por ka një interes të madh”, shton burimi. Irina dhe Kanye njihen prej disa vitesh. Ata u takuan kur ajo u shfaq në videoklipin e tij të vitit 2010 për këngën ‘Power’. Disa javë më parë, paparacët e kapën të veshur me një bluzë të dizajnuar nga Kanye. Kanye dhe Irina nuk i kanë komentuar ende këto pretendime./FrontOnline/