Deputeti shqiptar në Kuvendin e Serbisë, Shaip Kamberi, kishte thënë se demokracia në Serbi është më keq sesa në kohën e diktatorit Millosheviq. E kjo deklaratë e tij ka nxitur reagime të ashpra në Beograd, përfshirë edhe presidentin Vuçiq.

Kamberi në një debat televiziv ka thënë se sa herë që është takuar me Vuçiqin ai asnjëherë nuk është shprehur i gatshëm të zgjidh problemet e shqiptarëve.

“E vërteta është se Serbia nuk është demokratike. Serbia cenon të drejtat e shqiptarëve dhe boshnjakëve ne Sanxhak”, tha Kamberi.

“Pa ndihmën e Kosovës dhe Shqipërisë ne nuk mund të presim përmirësim të drejtave. Nuk mund të presim mëshirë nga Vuçiq, Berbabiç apo Daçiq, por duhet trysni mbi ta që të drejtat tona të respektohen‘‘, përfundon Kamberi.