Përfaqësuesja e Lartë e Bashkimit Evropian për Punët e Jashtme dhe Politikën e Sigurisë, Kaja Kallas, sot do të organizojë një darkë jozyrtare me ministrat e Punëve të Jashtme të vendeve të Ballkanit Perëndimor.

Sipas njoftimit, gjatë kësaj darke pune, ministrat do të diskutojnë çështje kyçe lidhur me integrimin evropian të rajonit dhe sfidat aktuale të sigurisë dhe bashkëpunimit rajonal.

“Gjatë një drekë pune, ministrat do të diskutojnë mënyrat për të avancuar angazhimin e BE-së me partnerët e Ballkanit Perëndimor”, thuhet në njoftim.

Kallas, gjithashtu, të hënën do të informojë ministrat e Jashtëm të BE-së për zhvillimet e fundit në dialogun ndërmjet Kosovës dhe Serbisë, një temë që ka qenë në qendër të diskutimeve ndërkombëtare.

Po ashtu, ministrat do të shqyrtojnë mënyrat për të forcuar bashkëpunimin në fushat e sigurisë dhe mbrojtjes, duke pasur parasysh sfidat politike dhe nevojën për të siguruar stabilitet dhe siguri rajonale.

Përveç kësaj, Kallas do të ndajë detaje nga vizitën e saj të fundit në Mal të Zi, Shqipëri dhe Bosnjë-Hercegovinë, ku ka theksuar angazhimin e BE-së për integrimin e këtyre shteteve në strukturat evropiane.