Rosie Huntington-Whiteley, e fejuara e aktorit Jason Statham, postoi në Instagram se është shtatzënë.

“Taaa daahhh. Raundi numër dy”, shkroi modelja dhe aktorja në një përshkrim të fotografive që shfaqnin një bark shtatzënë. Postimi mblodhi më shumë se 280.000 pëlqime në pak orë dhe ndjekësit e uruan përmes komenteve, transmeton FrontOnline.

Çifti tashmë kanë një djalë, Jack, i cili ka lindur më 2017 dhe vitin e kaluar Rosie shkroi në Instagram se ekziston mundësia që ajo dhe Jason të zgjerojnë familjen.

Jason është 20 vjet më i madh se Rosie, por për çiftin ky nuk është problem.

“Mosha nuk është gjë tjetër veçse një numër,” u tha Rosie ndjekësve të saj në Instagram më herët.

Çifti u takua në vitin 2009 dhe menjëherë kishin filluar lidhjen. Pesë vjet më parë, në tapetin e kuq në ceremoninë e çmimeve ‘Golden Globe’, ata konfirmuan fejesën e tyre./FrontOnline/