Jaguar XK150 Drophead Coupe i prodhuar në vitet 1960, i cili ishte i përfshirë në një aksident 25 vjet më parë, u shit në ankand për 104,809 dollarë. Kjo është nëntë herë më shumë sesa vlerësohej më parë nga shtëpia e ankandit.Sipas revistës HAK, shitësi bleu makinën në 1969, por në një stuhi shiu pranë qytetit britanik Hull, e nguli atë në një pemë në vitin 1996. Pronari nuk u lëndua dhe makina u dërgua në një stacion shërbimi për restaurim.

Sidoqoftë, pronari vdiq në ndërkohë dhe makina nuk u restaurua. Shtëpia e ankandit njoftoi një shumë minimale prej 11,600 euro. Mirëpo, dikush përfundoi duke paguar 104,809 dollarë për makinën, mbase sepse makina e restauruar vlente më shumë se 290,000 dollarë. Vetëm 69 kopje të kësaj makine me timon në të djathtën janë prodhuar dhe është paraardhësi i kultit Jaguar E-Type. XK150 me 265 kuaj fuqi ishte makina e parë që kishte frenat disk në të katër rrotat./FrontOnline/