Nuk është sekret që mëngjesi është vakti më i rëndësishëm i ditës, veçanërisht nëse duam të humbim kilogramët e tepërt. Sipas ekspertëve, mëngjesi ideal është një përzierje e proteinave, yndyrave, fibrave, karbohidrateve dhe ushqimeve që kanë një efekt anti-inflamator. Ky kombinim jo vetëm që është plot me lëndë ushqyese, por na bën të ngopemi për një kohë të gjatë, transmeton FrontOnline.

Vezët për një mëngjes ideal

Nutricionistët thonë se vezët janë vendimtare në çdo vakt të mëngjesit. Përveç këtyre ushqimeve, të pasura me acide yndyrore omega 3, është e nevojshme të shtoni pak vaj ulliri. Së bashku me vitaminën D dhe biotinën, proteinat në vezë na bëjnë të ngopur për një periudhë më të gjatë kohore.

Kombinimi ideal i ushqyesve të lartpërmendur, kur është fjala për mëngjesin, janë dy vezë, bukë me drithëra, spinaq (ose ndonjë perime tjetër me gjethe) së bashku me një tas me manaferra.

Një përzierje e fibrave, karbohidrateve dhe antioksiduesve do të na ndihmojë të jemi më produktiv gjatë ditës, do të ndikojë në përqendrim më të mirë, dhe në të njëjtën kohë në perimetrin e belit./FrontOnline/