Maserati prezantoi fotot zyrtare të makinës së saj të parë plotësisht elektrike. Ky është GranTurismo Folgore, i cili do të sjellë një epokë krejtësisht të re për një markë që më parë ishte e lidhur vetëm me motorët me djegie të brendshme.

Italianët kanë bërë të ditur se deri në vitin 2025 duan të kenë një version elektrik të secilit prej modeleve të ofruara dhe 5 vite më vonë duan të kalojnë vetëm në energji elektrike.

GranTurismo Folgore do të jetë jo vetëm “elektricisti” i parë i kësaj marke, por edhe makina më e fuqishme e rrugës që ka ofruar ndonjëherë Maserati. Jozyrtarisht dihet se motorët do të prodhojnë mbi 650 kuaj fuqi dhe disa burime thonë rreth 1200 kf, gjë që është e vështirë të besohet.

Sido që të jetë, Folgore pritet të arrijë 100 në më pak se 2.5 sekonda. Është planifikuar gjithashtu një version me një V6 3.0-litërsh, dhe ndoshta edhe një V8.

Mbetet të presim për detajet, si dhe datën zyrtare të publikimit. Tashmë italianët na kanë mësuar me vonesa për këtë çështje. Sidoqoftë, padyshim që ia vlen të jesh i durueshëm, sepse GranTurismo Folgore premton të jetë shumë emocionues./FrontOnline/