Mbrojtja e ish-presidentit të Kosovës, Hashim Thaçi, ka ritheksuar në seancën e sotme paragjyqësore se e kundërshton urgjencën e Prokurorisë që gjykimi në këtë rast të fillojë sa më parë, raporton Front Online.

Avokati i ish-Presidentit, Hashim Thaçi i ka kërkuar prokurorisë që të i dorëzojë të gjitha materialet e dëshmitarëve që i posedon prokuroria.

Avokati Hooper ka kërkuar që të gjitha materialet që posedon prokuroria të u dorëzohen në plotësi dhe jo të përgjysmuara pasi deri më tani kanë vetëm dëshmi të përgjysmuara, të dëshmitarëve të pretenduar nga ana e prokurorisë.

Ai poashtu ka thënë se është një atmosferë shumë jo bashkëpunuese nga ana e prokurorisë së Dhomave të Specializuara.

“ Në masën që është e mundur unë e  kuptoj që ka vështirësi logjistike në një sistem të një gjykate elektronike. Në një atmosferë gjithmonë e më jo bashkëpunuese mund të ketë njëfarë moskuptimi. Ne kërkojmë një system të provave material që prokuroria të mund të I vlerësojë, ne tani po punojmë më një system të nxjerrjes së materialeve që eshët i copëtuar dhe jo i dobishëm. Në cofte se kemi një sistem të nxjerrjes së provave Brenda parametrave kohorë deri në korrik, mbas kësaj ekziston edhe urgjenca për të filluar gjykimin sa më shpejtë të cilin ne e kundërshtojmë.

Por në coftëse do të bëhet nxjerrja e materialeve për dëshmitarët A, B, C, D dhe E ne tani marrim vetëm pjesë të dëshmive të tyre dhe çfarë vlere ka kjo për mbrojtjen. Prokuroria tha se mbrojtja po e ekzagjeron por këto aspekte janë të lidhur ame njëra tjetrën, duhet të na jepen material të vlerësueshme dhe të bëhet komplet, paketën e dëshmitarit A, intervistën dhe ne të kemi mundësi ta analizojmë komplet atë dëshmitarë”, ka thënë ai.

Mbrojtja e Thaçit është ankuar se nuk ka marrë disa nga provat materiale të cilat i kanë marrë edhe 3 të akuzuarit e tjerë .