Izraeli ka udhëzuar misionet e tij diplomatike në Evropë që të përpiqen që grupi rebel Houthi i mbështetur nga Irani në Jemen të cilësohet si një organizatë terroriste.
Houthi kanë gjuajtur vazhdimisht drone dhe raketa drejt Izraelit në ato që grupi i përshkruan si akte solidariteti me palestinezët që luftojnë forcat izraelite në Gaza.
Sulmet kanë ndërprerë rrugët ndërkombëtare të transportit detar, duke i detyruar firmat të ridrejtojnë në udhëtime më të gjata dhe më të shtrenjta, të cilat nga ana e tyre kanë nxitur frikën mbi inflacionin global.
“Houthi paraqesin një kërcënim jo vetëm për Izraelin, por edhe për rajonin dhe mbarë botën. Gjëja e parë dhe më themelore që duhet bërë është t’i cilësojmë ata si një organizatë terroriste”, tha në një deklaratë ministri i Jashtëm, Gideon Sa’ar.
Sa’ar tha se i dërgoi një letër presidentit të Këshillit të Sigurimit të OKB-së dhe kërkoi që të thirrej një seancë urgjente për të “dënuar sulmet e Houthi dhe mbështetjen e vazhdueshme të Iranit për ta”.
Shtetet e Bashkuara, Arabia Saudite, Malajzia, Emiratet e Bashkuara Arabe, Australia, Kanadaja, Zelanda e Re dhe Izraeli aktualisht i përcaktojnë Houthis si terroristë, sipas Sa’ar.
Ushtria izraelite të shtunën nuk arriti të kapte një raketë nga Jemeni që ra në zonën Tel Aviv-Jaffa, duke plagosur 14 persona, shkruan Reuters, transmeton Klankosova.tv.
