Kreu i Departamentit për Ballkan në Ministrinë e Jashtme të Izraelit, Dan Orian beson se Serbia nuk është aspak e lumtur që Izraeli e njohu Kosovën si shtet.

Orian pranoi se njohja e Kosovës mund të dëmtojë marrëdhëniet e Izraelit me Beogradin në afat të shkurtër.

“Pa dyshim që Serbia nuk është aspak e lumtur për këtë. Kosova është, siç thonë ata, ‘Jeruzalemi i tyre’. Por ata kanë shumë miq që e njohën Kosovën, nga ne [Izraeli] te Franca dhe Gjermania dhe shumë të tjerë. Po, për një kohë do të jetë më e vështirë pasi Serbia është shumë afër nesh”

“Shpresojmë se ata do të përmbushin angazhimet e bëra në Uashington. Ata e dinin se ajo ishte pjesë e marrëveshjes, ”shtoi Orian për MediaLine, duke iu referuar, ndër të tjera, ambasadës së premtuar të Serbisë në Jeruzalem.