KHF Istogu do të luajë në finale të Kupës së Republikës së Kosovës në hendboll.

Të shtunën (sot) Istogu në finale takohet me Prishtinën, përcjell FrontOnline.

Kalimin në finale istogaset e siguruan të premten mbrëma në palestrën e tyre.

Istogu e mposhti Vushtrrinë në gjysmëfinale me rezultat 30:21. Istogaset nisën herët shkëputjen në rezultat dhe kanë qenë vazhdimisht në avantazh.

Pjesa e parë përfundoi 12:9 për Istogun. Vushtrriaset nuk janë dorëzuar deri në fund, por këtë herë hendbollistet e Istogut kanë shfaqur më shumë.

Esma Muratoviq shënoi 11 gola, ndërsa kapitenia Albina Rugova shtoi 5 gola për Istogun. Lorena Matarova ishte më efikasja te Vushtrria me 6 gola kurse kapitenia Shqipe Tahiri i kishte 5 gola.

Vushtrria të shtunën e kaluar fitoi titullin e kampionit të Kosovës, duke mposhtur në finale të plejofit pikërisht Istogun./FrontOnline/