Në fundjavë janë ndeshjet e dyta të gjysmëfinales së plejofit në Superligën e hendbollisteve.
Të shtunën është takimi Ferizaj – Istogu, që fillon në ora 17:00. Pasi e ka fituar ndeshjen e parë, Istogu kërkon fitore tjetër në Ferizaj për të kaluar në finale, përcjell FrontOnline.
Istogu në plejof startoi nga pozita e parë, ndërsa Ferizaj nga e katërta.
Të dielën është takimi Prishtina Vushtrria.
Edhe kjo ndeshje fillon në ora 17:00. Vushtrria të enjten e fitoi ndeshjen e parë si vendase.
Por prishtinaset shpresojnë të reagojnë dhe të barazojnë rezultatin në 1:1, për të siguruar ndeshjen e tretë. Ndërkohë vushtrriaset udhëtojnë në kryeqytet me synimin për ta siguruar finalen./FrontOnline/
