Nënkryetari i Partisë Demokratike të Kosovës, Uran Ismaili, ka thënë se kandidati i tyre për kryeministër, Bedri Hamza, është njeriu i duhur për ta udhëhequr vendin.
Ismaili u shpreh se Hamza është ai i cili e bënë kuptimplotë sloganin e tyre “Kosova mundet më mirë!”.
‘’Jemi duke folur për një person i cili projektet nuk i ka pa veç aspirata, por i ka pa të realizueshme. Jemi duke folur për një person që ka një përqendrim dhe një dedikim të madh në realizimin e projekteve për mirëqenien e qytetarëve”.
“Kur e bashkon këtë ftesën tonë për një udhëtim të përbashkët dhe një përgjegjësi dhe një përvojë të lartë të kandidatit tonë, mendojmë që kemi arsye me qenë optimist edhe si PDK por edhe si Kosovë. Bedri Hamza nuk është vetëm kandidati më i mirë i PDK-së, por kandidati më i mirë në Kosovë për situatën e tanishme”, deklaroi Ismaili.
